MARCUS Antonius

I.

MARCUS Antonius

Orator, avus prioris Nullam unquam Orationum suarum scripsit, ne, ut dicebat, arma porrigeret suam imperitiam arguere volentibus. M. Aquilium, iam condemnatum, defendit, nudatôque pectore eius cicatricibus plenô, effecit, ut a Iudicibus absolveretur. Consul, Censor, etc. iussu Cinnae, quod Sullanas sequeretur partes, necatus est. Cicer. l. 1. de Orat. 2. in Verr. pro Cluent. etc. Plut. in Antonio. Papir. Masson. in elog. Vide Antonius.

II.

MARCUS Antonius

Triumvir, fil. et nepos Antonii, qui, insignis Orator, quod Sullae partes esset amplexus, Cinnae iussu necatus est. mater eius Iulia fuit, quae, ex Iulii Caesaris familia, defunctô maritô, Lentulo nupsit, quem Cicero, quod cum Catilina faceret, e medio sustulit. Quae funesti forsan inter M. Antonium et Ciceronem dissidii, prima scintilla fuit. In Graeciam cum iuvenis transiisset, sub Galinio meruit, eumque in Aegyptum et Iudaeam secutus est, munificus et animosus, sed ob vitia non parum bonis exosus. Reversus Romam, inde in Gallias abiit, ubi cum Caesaris gratiam sibi conciliâsset, eum contra Pompeium aemulum exstimulavit, fidâ ipsi totô bellô civili operâ navatâ. Tandem collega Caesaris in Consulatu factus, festivô Lupercalium die huic diadema imponere conatus est: Occisô postimodum illô, eôdem an 710. Urb. Cond. Senatum coegit, indusiôque aesaris cruentô ostensô, contionem ad tumultum excitare contendit: quod cum ad tyrannidem spectare videretur, arma sumere coactus, Mutinam obsedit: Unde cum nullâ ratione a Senatu se avocari pateretur, missus est ab hoc Octavius Caesar, cum Pansa et Hirtio Consulib. ut illi bellum inferrent: quô feliciter sopitô, Triumviratus Marci Antonii, Octavii seu Augusti, et Lepidi, plurimis egregiis civibus, Ciceronique inprimis tantopere funestus, exortus est. Annô sequente, qui erat 712. Urb. Cond. iunctus Augusto, Brutum Cassiumque devicit, dein cum eodem collisus, mox ductâ Octaviâ arctius cum illo foedus iniit. Hinc Lepidô neglectô, in Asiam abiit, dum Augustus in Galliis rem gereret, sed a Parthis male mulctatus rediit ex Armenia in Argyptum, bui Cleopatrae artibus irretitus prolis uxorisque oblitus est: quae, hôc auditô, auxiliares ipsi adductura copias, simulque illum ab Aegyptica hac strige abductura, advolavit. Sed sistere se Athenis Romamque reverti iussa est, quo brevi se rediturum promisit maritur. Intereal Cleopatrae ambitioni obsequens, Reges, quos vellet, illi praedae exposuit, captumque per proditionem an Urb. Cond. 720. Armeniae Regem aureis catenis vinctum, Alexandriam in triumpho duxit. Post quae hostis a Senatu iudicatus, dum imperium Cleopatrae promittit, vincitur ab Augusto ad Actium, an. 723. Urb. Cond. et Cleopatram e praelio fugientem sequitur Alexandriam, vires reparaturus. Sed imminente, post anni decursum, acrius Augustô, cum pellice, mortem sumpsit. Plut. in vita eius, Sueton. in Aug. Dio, Appian. Florus, Oros. etc. inc. Loydius.